2 दहशतवाद्यांना घातले कंठस्नान. सर्च ऑपरेशन
जम्मू-काश्मीरच्या शोपिया भागात दहशतवाद्यांशी, भारतीय सैन्यदलाच्या झालेल्या चकमीत दोन दहशतवाद्यांना यमसदनी पाठविण्यात, भारतीय सैन्याला यश आले आहे. ड्रैगेड परिसरात अजूनही क दहशतवादी लपला सल्याचा सैन्याला संशय असून, त्या परिसरात सर्च ऑपरेशन सुरु करण्यात आले आहे.
मारल्या गेलेल्या दहशतवाद्यांपैकी एकाची ओळख पटली असून, आदिल शाह असे त्याचे नाव आहे. आदिल २०२० सालापासून एक्टिव्ह होता. पुलवामात एका गरीब मजुराची हत्या करण्यात त्याचा सहभाग असल्याची माहितीही देण्यात आली आहे. गेल्या दोन आठवड्यात १५ दहशतवादी मारण्यात आल्याची माहिती आयजीपी विजय कुमार यांनी दिली आहे.
यापूर्वी मंगळवारी राजौरी परिसरात लष्कर ए तोयबाच्या सहा दहशतवाद्यांना सैन्याने कंठस्नान घातले होते. तर पुंछमध्ये गल्या ९ दिवसांपासून दहशतवाद्यांशी सैन्यदलासोबत चकमक सुरु आहे. या दहशतवाद्यांना शोधण्यासाठी हेलिकॉप्टर्सची मदतही घेण्यात येत असून, पॅरा कमांडोही या मोहिमेत सहभागी आहेत.
गेल्या काही दिवसांपासून काश्मीर खोऱ्यात दहशतवादी सक्रिय झाले असून, हिंदू आणि शिख व्यक्तींच्या हत्या करण्यात येत आहे. सैन्यदलाकडूनही दहशतवाद्यांना जशास तसे उत्तर देण्यात येत आहे.
