मुंबईतील साकीनाका इथल्या घटनेवर राज्यभरातून संताप व्यक्त होत आहे. या प्रकरणातील आरोपींना फाशी देण्याची मागणी करण्यात येत आहे. या संबंधीची मागणी आमदार श्वेता महाले यांनी देखील केली आहे.
या संदर्भात आमदार श्वेता महाले म्हणाल्या की, मुंबई येथील साकीनाका येथे एका ३० वर्षीय महिलेवर बलात्कार करुन अत्याचार केले गेले. त्यां महिलेचा आज सकाळी मृत्यू झाला, अशी मन सुन्न करणारी घटना घडली आहे. अश्या अनेक घटना राज्यात घडत आहे. निर्भयावर सातत्याने लैंगिक अत्याचार होत आहे, याला सर्वस्वी जबाबदार हे सरकार आहे.
उद्धव सरकारचा अश्या गुंडाना अजिबात धाक राहिला नाही. काल घड़लेल्या घटनेतील आरोपींना पकडून त्यांना फाशीची शिक्षा द्यावी. मात्र, अद्याप एकाही प्रकरणात पीडितेला लवकर न्याय मिळालेला नाही. त्यावरुन भारतीय जनता पक्षाने सरकारवर टीका केली आहे.
