The Free Media

महाराष्ट्रात मंत्रिमंडळाचा विस्तार I पण एकीकडे सुप्रिया सुळेंनी साधला निशाणा,...

Supriya-Sule-thefreemedia

नागपूर: ३० जुन २०२२ रोजी एकनाथ शिंदे यांनी महारष्ट्राचे नवे मुख्यमंत्री म्हणून शपथ घेतली होती. उप- मुख्यमंत्रीपद हे देवेंद्र फडणवीस यांना मिळालं होत. पण जवळजवळ एक- सव्वा महिना (४० दिवस) उलटून देखील मंत्रिमंडळाचा विस्तार झाला नव्हता. पण आज ९ ऑगस्ट रोजी शिंदे गटाच्या मंत्रिमंडळाचा विस्तार झाला असून एकूण १८ मंत्र्यांनी शपथ ग्रहण केली आहे. यात ९ शिंदे गटाचे मंत्री व ९ भाजप चे मंत्री सामील आहेत. सकाळी ११. १५ च्या सुमारास शपथग्रहण विधी सुरु झाला असून राज्यपाल भगतसिंग कोशियारी यांनी १८ मंत्र्यांना राज भवन येथे गोपनीयतेची शपथ दिली.

शपथ ग्रहण केलेले शिवसेनेचे मंत्री : दादा भुसे, शंभूराजे देसाई, संदीपन भुमरे, उदय सामंत, तान्हाजी सावंत, अब्दुल सत्तार, दिपक केसरकर, गुलाबराव पाटील, संजय राठोड

शपथ ग्रहण केलेले भाजपचे मंत्री : चंद्रकांत पाटील, सुधीर मुंगंटीवार, गिरीश महाजन , सुरेश खाडे, राधाकृष्णविखे पाटील, रवींद्र चव्हाण, मंगल प्रभात लोढा, विजयकुमार गावित, अतुल सवे.

पण आज झालेल्या या मंत्रिमंडळात कोणतीही महिला मंत्री नाही. महिला नेत्याला मंत्रीपद देण्यात आले नसल्यामुळे विरोधक आक्रमक झाले आहे. राष्ट्रवादीच्या बारामतीच्या खासदार सुप्रिया सुळे यांनी “स्वतः पंतप्रधान मा. नरेंद्रजी मोदी हे देशाच्या प्रगतीसाठी स्त्री-सक्षमीकरण आवश्यक असल्याचे सांगतात. त्यासाठी त्या केवळ ‘होम मेकर’ असू नयेत तर त्या ‘नेशन बिल्डर’ असाव्यात असं ते सांगतात.पण राज्यात मंत्रीमंडळाच्या आज झालेल्या शपथविधीत १८ मंत्र्यांनी शपथ घेतली परंतू यात महिलांना प्रतिनिधीत्त्व देण्यात आले नाही. मंत्रीमंडळात महिलांना योग्य ते प्रतिनिधीत्व मिळेल अशी अपेक्षा होती परंतु एकाही महिलेला संधी मिळाली नाही. हे अतिशय खेदजनक आहे.राज्याच्या स्त्री-शक्तीवर हा अन्याय आहे,” असे ट्विट करत निशाणा साधला आहे.

तर दुसरीकडे भाजप नेत्या चित्रा वाघ यांनी संजय राठोड यांना मंत्रिपद देणं योग्य नसल्याचे म्हटले आहे. “पुजा चव्हाणच्या मृत्युला कारणीभूत असणार्या माजी मंत्री संजय राठोड ला पुन्हा मंत्रीपद दिलं जाणं हे अत्यंत दुदैवी आहे. संजय राठोड जरी पुन्हा मंत्री झालेला असला तरीही त्याच्या विरुद्धचा माझा लढा मी सुरूचं ठेवलेला आहे. माझा न्याय देवतेवर विश्वास. लडेंगे….जितेंगे”, असे ट्विट त्यांनी केले आहे. संजय राठोड हे महाविकासआघाडी सरकारमध्ये मंत्री होते. पूजा चव्हाण प्रकरणामुळे त्यांना राजीनामा दयावा लागला होता.

येणाऱ्या काळात उरलेले मंत्री शपथ घेतील असे मुख्यमंत्री शिंदे म्हणालेत.

Share on Social media

Facebook
Twitter
LinkedIn
WhatsApp
Email

Related Post

Mark-Zukerberg

मार्क झुकरबर्गला सर्वात मोठा झटका

मुंबई: सोशल मिडीया नेटवर्कवर मेटाचा संस्थापक मार्क झुकरबर्गसाठी हे वर्ष कठीण ठरत आहे. तो आता जगातील 20 व्या क्रमांकाचा श्रीमंत व्यक्ती आहे. मेटा प्रमुख झुकरबर्ग

Read More »
cricket

नागपुरात क्रिकेट सामन्याच्या पाश्वभूमीवर देहव्यवसायासाठी आलेल्या दोन रशीयन तरूणींना अटक

नागपूर:आंतरराष्ट्रीय क्रिकेट सामना नागपुरात होत असून या पार्श्वभूमीवर रशियातून नागपुरात टुरिस्ट व्हिसावर आलेल्या दोन रशियन तरुणींना सदरमधील एका इंटरनॅशनल दर्जाच्या हॉटेलमधून पोलिसांनी ताब्यात घेतले. दोन्ही

Read More »
Dussehra-gathering

दसरा मेळाव्यास कुणालाही परवानगी नाही

सुव्यवस्था राखण्यासाठी मुंबई महानगरपालिकेने दसरा मेळाव्याची परवानगी नाकारली_ मुंबई: शिवतीर्थावर म्हणजेच शिवाजी पार्क मैदानात यंदा दसरा मेळावा घेण्यासाठी कोणालाही परवानगी मिळणार नाही अशी माहिती समोर

Read More »

Latest News