गेल्या चोवीस तासांत शहरात नव्या करोना बाधितांची संख्या कमी झाली असली तरी मृत्यूमुखी पडलेल्यांची संख्या जास्त आहे. यामध्ये पुण्याबाहेरील मृतांची संख्या सर्वाधिक आहे.
दिवसभरात 165 नव्या बाधितांची नोंद झाली आहे; तर 252 जणांना डिस्चार्ज देण्यात आला आहे. तसेच गेल्या चोवीस तासांत 16 बाधितांचा मृत्यू झाला असून, त्यातील 12 जण पुण्याबाहेरील आहेत.
शहरातील सक्रिय बाधितांची संख्या 2 हजार 167 झाली आहे. सक्रिय बाधितांमधील 211 जणांवर अतिदक्षता विभागात उपचार सुरू आहेत. तर, 252 जणांना ऑक्सिजन लावले आहे. ऑक्सिजनवर उपचार घेत असलेल्यांची संख्याही वाढली आहे. आतापर्यंत शहरात 4 लाख 96 हजार 937 जण बाधित झाले असून, त्यापैकी 4 लाख 85 हजार 817 जण बरे झाले आहेत. तर 8 हजार 953 जणांचा मृत्यू झाला आहे.
