नागपूर: जिल्हा परिषद नागपूर तर्फे जिल्ह्यातील गुणवंत शिक्षकांना शिक्षक दिनानिमित्त ‘जिल्हा शिक्षक गौरव पुरस्कार 2021’ ने सन्मानित करण्यात आले. 5 सप्टेंबर 2021 रोजी खेडकर सभागृह जि.प.नागपूर येथे पार पडलेल्या या गौरव समारंभास मा.सुनिलजी केदार,दुग्ध व पशुसंवर्धन मंत्री ,मा.सौ रश्मीताई बर्वे,अध्यक्षा जि.प.नागपूर व मा.भारतीताई पाटील, शिक्षण सभापती जि.प.नागपूर हे मान्यवर उपस्थित होते.
निलीमा भिमराव राऊत, विज्ञान शिक्षिका जि.प.उ.प्राथ .शाळा तोंडाखैरी पं.स.कळमेश्वर,जि.नागपूर यांच्या उत्कृष्ट शैक्षणिक कार्याची दखल घेऊन निवड करण्यात आली होती. या समारंभात उपस्थित मान्यवरांच्या हस्ते निलिमा राऊत यांना पुरस्कार प्रदान करण्यात आला. पुरस्कार प्राप्त झाल्याने शैक्षणिक वर्तुळात त्यांच्यावर अभिनंदनाचा वर्षाव होत आहे.
.
