The Free Media

राज्यपाल महोदय, महाराष्ट्र द्वेषाच्या आजारातून लवकर बरे व्हा; युवक राष्ट्रवादीचे...

Youth Nationalist-thefreemedia

मुबंई- महाराष्ट्राचे राज्यपाल भगतसिंह कोश्यारी यांनी मुंबईबाबत वादग्रस्त विधान केल्यांनतर विरोधकांनी त्यांच्यावर टीकेची झोड उठवली होती. त्याच पार्श्वभूमीवर राष्ट्रवादी युवक काँग्रेसही कोश्यारींवर आक्रमक झाली आहे. महाराष्ट्र द्वेष करण्याच्या आजारातून लवकर बरे व्हा असं म्हणत राष्ट्रवादीने राज्यपालांना खरमरीत पत्र पाठवलं आहे.

राज्यपाल महोदय, आपण सातत्याने महाराष्ट्र राज्य व महाराष्ट्रातील महापुरुष यांचा अवमान करीत आहात. महाराष्ट्र या राज्याचा एक युवक म्हणून आम्हाला प्रश्न पडला आहे की, आपण महाराष्ट्र राज्याच्या कल्याणासाठी राज्यपाल आहात की, महाराष्ट्र द्वेष करण्यासाठी..?? असा तिखट सवाल पत्रातून करण्यात आला आहे. तरी आम्ही सर्वजण अशी प्रार्थना करतो की, आपण महाराष्ट्र द्वेष करण्याच्या आजारातून लवकर बरे व्हा. राज्यपाल या घटनात्मक पदाची शपथ घेताना आपण जी घटनात्मक शपथ घेतली होती तीचे प्रामाणिकपणे पालन कराल. आणि महाराष्ट्र द्वेष करण्याच्या आजारातून बरे व्हाल हिच माफक अपेक्षा असं पत्र राष्ट्रवादी युवक काँग्रेसने राज्यपालांना पाठवलं आहे.

दरम्यान, राष्ट्रवादी काँग्रेसचे अध्यक्ष शरद पवार यांनीही राज्यपालांच्या विधानाचा जोरदार समाचार घेतला होता. राज्यपालांनी यापूर्वी महात्मा ज्योतिबा फुले यांच्याबद्दल असेच एक भयानक विधान केले होते. सावित्रीबाई फुले यांच्या बद्दलही ते बोलले होते. आता एक त्यांचं एक वेगळ्या पद्धतीचं वक्तव्य आलेलं आहे. राज्यपालांच्या डोक्यावरच्या टोपीचा रंग आणि त्यांच्या अंतःकरणाचा रंग याच्यात काही फारसा फरक नाही. दोन्हींचा रंग एकच आहे, अशी टीका पवारांनी केली. 

Share on Social media

Facebook
Twitter
LinkedIn
WhatsApp
Email

Related Post

Mark-Zukerberg

मार्क झुकरबर्गला सर्वात मोठा झटका

मुंबई: सोशल मिडीया नेटवर्कवर मेटाचा संस्थापक मार्क झुकरबर्गसाठी हे वर्ष कठीण ठरत आहे. तो आता जगातील 20 व्या क्रमांकाचा श्रीमंत व्यक्ती आहे. मेटा प्रमुख झुकरबर्ग

Read More »
cricket

नागपुरात क्रिकेट सामन्याच्या पाश्वभूमीवर देहव्यवसायासाठी आलेल्या दोन रशीयन तरूणींना अटक

नागपूर:आंतरराष्ट्रीय क्रिकेट सामना नागपुरात होत असून या पार्श्वभूमीवर रशियातून नागपुरात टुरिस्ट व्हिसावर आलेल्या दोन रशियन तरुणींना सदरमधील एका इंटरनॅशनल दर्जाच्या हॉटेलमधून पोलिसांनी ताब्यात घेतले. दोन्ही

Read More »
Dussehra-gathering

दसरा मेळाव्यास कुणालाही परवानगी नाही

सुव्यवस्था राखण्यासाठी मुंबई महानगरपालिकेने दसरा मेळाव्याची परवानगी नाकारली_ मुंबई: शिवतीर्थावर म्हणजेच शिवाजी पार्क मैदानात यंदा दसरा मेळावा घेण्यासाठी कोणालाही परवानगी मिळणार नाही अशी माहिती समोर

Read More »

Latest News