देशातील अनेकांचे डोके हे सुपीक असल्याचे वारंवार दिसून येते. कधी कोण काय करेल, याचा नेम नाही. काही दिवसांपूर्वी कोल्हापूरमध्ये जेसीबीचा वाढदिवस साजरा करण्यात आला. कुणी कुत्र्याचा, मांजरीचा तर कुणी बैलाचा वाढदिवस साजरा केल्याची उदाहरणे आहेत. मात्र, आता नागपूर जिल्ह्यातील उमरेड शहरातील मंगळवारी पेठेतील कागदेलवर कुटुंबीयांनी चक्क कोंबड्याचा ‘हैप्पी बर्थडे’ मोठ्या थाटामाटात साजरा केला.
कुटुंबातल्या लाडक्या कोंबड्याचा वाढदिवस
नागपूर जिल्ह्यातील उमरेड शहरातील कागदेलवार कुटुंबाने ‘कुचा’ नावाच्या हा कोंबड्याचा वाढदिवस साजरा केलाय. ‘कुचा’ नावाचा हा कोंबडा कागदेलवार कुटुंबात सर्वांचा लाडका आहे. 20 सप्टेंबर रोजी कागदेलवार कुटुंबियांनी कुचाचा वाढदिवस जोरात साजरा केला. त्याच्या वाढदिवसाचे काही व्हिडीओ आणि फोटो सध्या सोशियल मीडियावर वायरल होतेय.
सजावट, औक्षण, गोडधोड जेवण, वाढदिवसाचं जोरात सेलिब्रेशन
उमरेडच्या मंगळवारी पेठेत कुचा कोंबडा कागदेलवार कुटुंबियांसोबत राहतो. नुकतंच कागदेलवार कुटुंबात राहताना त्याला एक वर्ष पूर्ण झाले. त्यासाठी कुचाची मालकीण असलेल्या सुरभी कागदेलवार यांनी खास सजावट केली होती. या वेळी कुचाचे औक्षण करून गोडधोड खाऊ घातले आणि वाढदिवस साजरा केला.
