जाणून घ्या काय आहे प्रकरण
उत्तर प्रदेशातील आग्रा या ठिकाणी असलेल्या जगदिशपुरा भागात पोलीस कोठडीत एका व्यक्तीचा मृत्यू झाला. त्याच्या कुटुंबीयांना भेटण्यासाठी प्रियंका गांधी जात होत्या त्यावेळी त्यांना ताब्यात घेण्यात आलं. लखनऊ-आग्रा एक्स्प्रेस वे वर त्यांना रोखण्यात आलं. त्यानंतर त्यांना ताब्यात घेण्यात आलं. जगदिशपुरा भागात कलम 144 लावण्यात आलं आहे. हे जमावबंदीचं कलम आहे त्यामुळे आम्ही त्यांना रोखलं अशी माहिती पोलिसांनी दिली आहे.
प्रियंका गांधी यांचं ट्विट काय आहे?
‘अरूण वाल्मिकी यांचा मृत्यू पोलिसांच्या ताब्यात असताना झाला आहे. त्यांच्या कुटुंबीयांना न्याय हवा आहे. मी त्यांच्या कुटुंबीयांची भेट घेऊ इच्छिते. त्याबद्दल यूपी सरकार का घाबरतं आहे? मला तिथे जाण्यापासून का रोखलं जातं आहे? आज वाल्मिकी जयंती आहे. पंतप्रधान नरेंद्र मोदी गौतम बुद्धांचे उपदेश देतात. मात्र इथे भाजपचे लोक त्यांचे उपदेश धुडकावून लावत आहेत’ असं ट्विट त्यांनी भेटीसाठी जात असताना केलं होतं.
