सध्या काळात ईडी, सीबीआय या केंद्रीय तपास यंत्रणेच्या माध्यमातून राज्यातील महाविकास आघाडीतील नेत्याची चौकशी सुरु आहे. तसेच महाविकास आघाडीतील नेत्यांना त्रास देण्यात येत असल्याचा आरोप सातत्याने केला जात आहे. दरम्यान राष्ट्रवादी काँग्रेसचे नेते छगन भुजबळ यांनी यावरून भाजपाला इशारा दिला आहे.
भाजपचा हा डाव त्यांच्यावरच उलटल्याशिवाय राहणार नाही असे त्यांनी म्हटले.
केंद्र सरकार केंद्रीय तपस यंत्रणेच्या माध्यमातून त्रास देण्याचे काम करत आहे.
सरकार अस्थिर करण्याचा त्यांचा डाव आहे. परंतु भाजप यंत्रणांच्या बळावर सरकार बनवू शकत नाही. राज्यातील महाविकास आघाडी सरकार भक्कम असल्याचा दावा देखील त्यांनी केली.
दरम्यान ओबीसी समाजावर सातत्याने अन्याय होत आला आहे. ओबीसींच्या प्रश्नांवर जो बोलते त्याला त्रास देण्याचे काम सुरु आहे. मात्र कितीही त्रास दिला तरी ओबीसींच्या प्रश्नांनासाठी बोलताच राहणार असे देखील भुजबळ यांनी सांगितले. जोपर्यंत सोनिया गांधी, शरद पवार आणि मुख्यमंत्री आहेत तोपर्यंत सरकार मजबूत आहे. सरकार पडण्याची भीती नाही असा दावा देखील त्यांनी केला.
