The Free Media

International-yoga-day-thefreemedia

नागपुरात धावत्या मेट्रोत साजरा झाला जागतिक योगदिवस

नागपूर :- शरीर तंदुरुस्त ठेवण्यासाठी विविध व्यायाम आणि आसने ही गरजेचे आहे. त्यामुळे केवळ खेळाडूंनीच व्यायाम केला पाहि जे असे नसून सर्वांनी नियमित विविध योगासने करणे गरजेचे असल्याचे प्रतिपादन राष्ट्रसंत तुकडोजी महाराज नागपूर विद्यापीठाचे कुलगुरु डॉ. सुभाष चौधरी यांनी केले.

नागपूर विद्यापीठाच्या वतीने जागतिक योग दिवस कार्यक्रमाचे आयोजन धावत्या मेट्रोत करण्यात आले. माझी मेट्रो आणि नागपूर विद्यापीठाचा क्रीडा विभाग यांच्या सहकार्याने आयोजित या कार्यक्रमास कुलगुरु डॉ. सुभाष चौधरी, प्र कुलगुरु डॉ. संजय दुधे, कुलसचिव डॉ.राजू हिवसे, द्रोणाचार्य पुरस्कार प्राप्त विजय मुनीश्वर, आंतरराष्ट्रीय योगपटू धनश्री लेकुरवाळे, मेट्रोचे कार्यकारी संचालक उदय बोरवनकर, व्यवस्थापक सुधाकर उराडे, सह व्यवस्थापक एस.जी. राव, मेट्रोचे प्रसिद्धी विभाग प्रमुख अखिलेश हळवे, ललीत मीणा आदी उपस्थित होते.

यावेळी बोलतांना डॉ.चौधरी म्हणाले, नियमित योगासनाने अभ्यासातही मन लागते, शिवाय आहारावरही नियंत्रण ठेवता येते. मुलांनी आपल्या मित्रमंडळीसोबत सामूहिकरित्या योगा करावा. तसेच घरच्यांनी सर्वांनी योगा करावा, यासाठी मुलांनी घरच्या मोठ्यांना आग्रह करावा असेही आवाहन त्यांनी केले. यावेळी प्र- कुलगुरु डॉ. संजय दुधे यांनी खेळाडूंना शुभेच्छा दिल्या.

यावेळी मेट्रोत उपस्थित मान्यवर तसेच विद्यार्थी, खेळाडूंकडून सुक्ष्म व्यायाम जिम्नॅस्टिक प्रशिक्षक युगबहादूर छेत्री यांनी करवून घेतली. तर आसणे योग प्रशिक्षक डॉ. सोनाली काकडे, प्राणायाम डॉ. देवेंद्र वानखेडे यांनी करवून घेतली. या कार्यक्रमात विद्यापीठ क्रीडा प्रशिक्षण केंद्रातील फुटबॉल, कराटे, बॅडमिंटन, बास्केटबॉल, अ‍ॅथलेटिक्स, टेबलटेनिस आणि जिम्नॅस्टिक खेळाचे खेळाडू, खेलो इंडिया विद्यापीठ गेम्समध्ये सुवर्णपदक प्राप्त नागपूर विद्यापीठाचा संघ, शहरातील नामवंत खेळाडू, प्रशिक्षक व क्रीडा संघटक, रासेयोचे स्वयंसेवक, विद्यापीठाचे सर्व अधिकारी कर्मचारी, विद्यार्थी विकास विभागाचे विद्यार्थी उपस्थित होते. यावेळी जिम्नॅस्टिक प्रशिक्षक पल्लवी खंडाळे हिने पारंपारिक वेषात नॉनस्टॉप ७५ मिनिटे विविध योग प्रात्याक्षिक साजरे केले.

कार्यक्रमाचे प्रास्ताविक रासेयोचे संचालक डॉ. सोपानदेव पिसे यांनी तर संचालन क्रीडा विभागाचे संचालक डॉ. शरद सुर्यवंशी यांनी केले. आभार कुलसचिव डॉ. राजू हिवसे यांनी मानले.

Share on Social media

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Related Post

Tata Steel-thefreemedia

टाटा स्टील (Tata Steel) 4 वर्षांमध्ये नवीन तंत्रज्ञानाच्या विकासावर 1,200 कोटी रुपये खर्च करणार

नागपूर:Tata Steel Ltd ने पुढील तीन ते चार वर्षात नवीन तंत्रज्ञानाच्या विकासावर लक्ष केंद्रित केले आहे. स्टील च नव्हे तर इतर साहित्यात प्रवेश करण्याच्या प्रयत्नाचा

Read More »
uddhavthackery-cm-thefreemedia

विधानसभेत बहुमत सिद्ध करा; राज्यपालांचा आदेश

नागपूर: महाराष्ट्रातील सत्तासंघर्षातील एक मोठी बातमी आहे.राज्यपाल भगतसिंह कोश्यारी यांनी मुख्यमंत्री उद्धव ठाकरे यांना पत्र पाठवलं आहे. एकनाथ शिंदे यांच्या बंडानंतर ठाकरे सकारनं बहुमत गमावलं

Read More »
chip technology-thefreemedia

आर्मने (Arm )स्मार्टफोन गेम्ससाठी नवीन चिप तंत्रज्ञान लाँच केले

नागपूर: सॉफ्टबँक ग्रुप कॉर्पच्या मालकीची ब्रिटीश चिप टेक्नॉलॉजी फर्म आर्म लिमिटेडने (Arm Ltd) मंगळवारी नवीन चिप तंत्रज्ञानाच्या संचाचे अनावरण केले ज्याचा उद्देश असे आहे की,

Read More »

Latest News