केंद्रीय गृहमंत्री अमित शहा सोमवारी संसदेच्या दोन्ही सभागृहात नागालँडमधील परिस्थितीवर विधान करणार आहेत. आज दुपारी 3 वाजता ते लोकसभेत आणि दुपारी 4 वाजता राज्यसभेत या विषयावर माहिती देणार आहेत. विशेष म्हणजे नागालँडमध्ये राज्य पोलीस आणि लष्कराच्या जवानांमध्ये संघर्षाची परिस्थिती निर्माण झाली आहे. खरं तर, शनिवारी संध्याकाळी पॅरा फोर्सने केलेल्या कारवाईत, चुकीच्या ओळखीमुळे १३ गावकऱ्यांना गोळ्या घालून ठार करण्यात आले.यानंतर गावकऱ्यांनी आसाम रायफल कॅम्पवर हल्ला केला. या चकमकीत लष्कराचा एक जवान जखमी झाला, त्याचा रविवारी मृत्यू झाला.
नागालँड पोलिसांनी शनिवारी संध्याकाळी मोन जिल्ह्यात नागरिकांवर केलेल्या गोळीबाराच्या संदर्भात भारतीय लष्कराच्या 21 पॅरा स्पेशल फोर्सेसच्या विरोधात स्वत: एफआयआर नोंदवला आहे, ज्यामध्ये 13 लोक मारले गेले होते.
एफआयआरमध्ये नागालँड पोलिसांनी स्पष्टपणे म्हटले आहे की पॅरा स्पेशल फोर्सने स्थानिक पोलिसांना माहिती दिली नाही किंवा त्यांनी कोणताही पोलिस मार्गदर्शक घेतला नाही.एफआयआरमध्ये पोलिसांनी ‘नागरिकांना मारण्याचा आणि जखमी करण्याचा सुरक्षा दलाचा हेतू’ असे नमूद केले आहे.
म्यानमारच्या सीमेला लागून नागालँड मोनची बॉर्डर असून AFSPA ACT च्या अंतर्गत आहे. त्यामुळे जेव्हापर्यंत केंद्र सरकार सहमती नाही, तेव्हा पर्यंत सेने वर काहीही खटला चालवू शकत नाही. जिल्ह्यात या सर्व प्रकारामुळे तणावपूर्ण वातावरण होते पण आता मोन जिल्ह्यातील परिस्थिती नियंत्रणात आहे.
