जम्मू -काश्मीरमधील दहशतवादी पुन्हा एकदा दहशत पसरवण्याच्या तयारीत आहेत. गुप्तचर अहवालामध्ये हे उघड झाले आहे की, दहशतवाद्यांनी जम्मू -काश्मीरमध्ये टारगेट किलिंगसाठी 200 लोकांची लिस्ट तयार केली आहे. या लिस्टमध्ये माहिती देणारे, गुप्तचर संस्था, केंद्र सरकार आणि लष्कराच्या जवळ मानले जाणारे मीडियातील व्यक्ती, खोऱ्याबाहेरील लोकं आणि काश्मिरी पंडितांची नावे त्यांच्या वाहनांच्या संख्येसह समाविष्ट आहेत.
21 सप्टेंबर रोजी पाकिस्तानच्या मुझफ्फराबादमध्ये दहशतवादी संघटनांची बैठक आयोजित करण्यात आल्याचेही उघड झाले आहे. या बैठकीत जैश-ए-मोहम्मद, लष्कर-ए-तैयबा, हिजबुल मुजाहिदीन आणि अल बद्र यासह अनेक दहशतवादी संघटनांचे दहशतवादी सहभागी होते. या अहवालात असे म्हटले आहे की, सर्व संघटनांच्या लोकांमध्ये सामील करून एक नवीन दहशतवादी संघटना स्थापन केली जाईल. जे केवळ माहिती देणारे, गुप्तचर संस्थेची लोकं, खोऱ्याच्या बाहेरची लोकं आणि RSS आणि भाजपच्या लोकांना लक्ष्य करतील.
या बैठकीत निर्णय घेण्यात आला आहे की, येत्या काळात ही संघटना खोऱ्यातील टारगेटेड किलिंग्सची जबाबदारी घेईल. यासाठी उरी आणि तंगधर मार्गे सीमेपलीकडून ग्रेनेड आणि पिस्तूले पाठवली जात आहेत. 5 ऑक्टोबर रोजी झालेली रस्त्यावरील विक्रेता वीरेंद्र पासवानची हत्या ही चुकीच्या ओळखीचे प्रकरण असू शकते, असेही अहवालामधून स्पष्ट झाले आहे.
