राष्ट्रवादी आणि काँग्रेसचा मुख्यमंत्र्यांना कोणताही त्रास नसल्याचे अन्न व नागरी पुरवठा मंत्री छगन भुजबळ यांनी म्हटले आहे. उलट भाजप सरकारनेच अनेक वेळा शिवसेनेची अवहेलना केली आहे असे ते म्हणाले. राजकारणात सगळेच मित्र असतात, विरोधी पक्षात शत्रू नसतात असेही ते म्हणाले.
महाविकास आघाडीला कोणताही धोका नाही. मुख्यमंत्री त्रस्त आहेत असं वाटत नाही असे भुजबळ म्हणाले.निवडणुका डोक्यावर आलेल्या आहेत. त्यानुसार आमचा प्रयत्न आहे की, ओबीसीला राजकीय आरक्षण मिळावे. आम्ही यासाठी न्यायालयात सुद्धा गेलो आहेत तसेच येत्या 23 तारखेला न्यायालायत सुनावणी आहे असे भुजबळ म्हणाले. ओबीसी समाजाची जनगणना करण्याची मागणी आम्ही पंतप्रधान नरेंद्र मोदी यांना केलेली आहे. याची जाणीव सुद्धा मुख्यमंत्री उद्धव ठाकरे यांनी पंतप्रधानांना करून दिलेली आहे असे भुजबळ म्हणाले.
