भाजप आमदार निलेश राणे यांनी ठाकरे सरकारवर पुन्हा एकदा निशाना साधला आहे. रत्नागिरी येथील २४ कोविड सेंटर बंद करण्यात आले. मात्र अधिकारी आणि प्रशासन यांना याबाबत काहीच माहिती नाही. मग याची ऑर्डर दिली कोणी असा सवाल निलेश राणे यांनी केला आहे.
एकीकडे मुख्यमंत्री उद्धव ठाकरे रोज बोंबलतात की, राज्यात कोरोनाची तिसरी लाट येणार मग तुमच्याच अधिकाऱ्यांकडून कोविड सेंटर बंद का करण्यात आले. असा संतप्त सवाल निलेश राणे यांनी केला आहे. कोकणातील जनतेला मारण्याचा डाव ठाकरे सरकार आखत असल्याचा आरोपदेखील त्यांनी केला आहे. काही दिवसांतच गणेशोत्सव येणार आहे. यावेळी लोकांची गर्दी वाढणार .अशा वेळेला कोविड सेंटर बंद करणे म्हणजे जनतेच्या जीवाशी खेळणे आहे. असेही ते म्हणाले आहेत.
