6 महिन्यापासून होता फरार
मध्य प्रदेशमध्ये काही दिवसांपूर्वी यूथ काँग्रेस संघटनेशी संबंधित असणाऱ्या एका तरुणीला लग्नाचे आमिष दाखवून तिच्यावर बलात्कार करण्यात आल्याची धक्कादायक घटना उघडकीस आली होती. या घटनेतील आरोपी आमदार पुत्राने पीडित तरुणीला लग्नाचे आमिष दाखवून तिच्यावर बलात्कार केला होता. याप्रकरणी पीडित तरुणीने काँग्रेस आमदार पुत्राविरोधात गुन्हा दाखल केला होता. गुन्हा दाखल झाल्यापासून आरोपी फरार झाला होता. अखेर यानंतर सहा महिन्यांनी पोलिसांनी आरोपीला अटक केली असल्याचे सांगण्यात येत आहे.
करण मोरवाल असे अटक केलेल्या काँग्रेस आमदार पुत्राचे नाव आहे. तो बडनगरचे काँग्रेस आमदार मुरली मोरवाल यांचा मुलगा आहे. आरोपी करणवर पोलिसांनी बलात्कारासह अन्य गंभीर कलमाअंतर्गत गुन्हा दाखल केला होता. त्यामुळे तो गेल्या काही महिन्यांपासून फरार होता. या घटनेमुळे मध्य प्रदेशातील राजकीय वातावरण बरंच तापले होते. तसेच राजकीय दबावामुळे पोलीस कायदेशीर कारवाई करत नसल्याचा आरोप पोलिसांवर झाला होता.
पण अखेर सहा महिन्यांनंतर आरोपी करण मोरवाल याला जेरबंद करण्यात पोलिसांना यश आले आहे. विवाहबाह्य संबंधातून मॉडेलच्या हत्येचा कट; भररस्त्यात घातल्या गोळ्या आमदार मुरली मोरवाल यांचा मुलगा करण याने लग्नाचे आमिष दाखवून आपल्यावर बलात्कार केल्याचा आरोप पीडित तरुणीने केला होता. बलात्कार केल्यानंतर आरोपी करणने पीडितेशी लग्न करण्यास नकार दिला. पीडित मुलगी इंदूरची रहिवासी आहे.
पीडितेने गुन्हा दाखल केल्यानंतर आरोपी करण बराच काळापासून फरार होता. आरोपी करणला पकडण्यासाठी पोलिसांनी बक्षिसाची घोषणा देखील केली होती. पोलिसांनी सुरुवातीला 10 हजार, नंतर 15 हजार आणि अलीकडेच 25 हजार रुपयांची घोषणा केली होती. काका खाऊला पैसे देतायेत समजून 7 वर्षांची चिमुरडी गेली पुढे, झाली भयंकर अवस्था आरोपी नेपाळला पळून गेल्याची भीती देखील व्यक्त केली जात होती.
