आईचं आणि खाकी वर्दीचं कर्तव्य एकसाथ बजावणाऱ्या महिला अधिकाऱ्याची मध्य प्रदेशचे मुख्यमंत्री शिवराज सिंह चौहान यांनी तोंडभरुन स्तुती केली. डीएसपी मोनिका सिंग यांच्यावर मुख्यमंत्री शिवराज सिंह यांच्या सुरक्षेची जबाबदारी होती. त्यावेळी आपल्या दीड वर्षाच्या लेकीला घेऊन डीएसपी मॅडम मुख्यमंत्र्यांच्या सेवेला पोहोचल्या. आपल्या छातीवर त्यांनी कॅरिअर बॅग बांधली होती. त्या बॅगमध्ये दीड वर्षाच्या लेक होती. मातृत्वाचं आणि खाकी वर्दीचं कर्तव्य एकसाथ बजावणाऱ्या महिला अधिकाऱ्याला पाहून शिवराज मामांना राहवलं नाही. त्यांनी डीएसपी मोनिका सिंग यांच्याशी अभिमानाने फोटो काढला आणि तो ट्विटरवरती शेअर केला.
डीएसपी मोनिका सिंग यांनी दीड वर्षाच्या मुलीला कॅरिअर बॅगमध्ये ठेऊन जिथे मुख्यमंत्र्यांचं आगमन होणार आहे, त्या हेलिपॅडजवळ उभ्या होत्या. या दरम्यान, जेव्हा मुख्यमंत्री परत जाऊ लागले, तेव्हा त्यांची नजर महिला पोलीस अधिकाऱ्यावर पडली, त्यानंतर त्यांनी मोनिका सिंग यांची आपुलकीने चौकशी केले. चौकशीनंतर मोनिका आणि त्यांच्या दीड वर्षाच्या लेकीसोबत त्यांनी छानसला फोटोही काढला.
