300 कोटी रुपयांच्या फसवणूक प्रकरणी दिल्ली पोलिसांच्या गुन्हे शाखेने प्रसिद्ध लॉबिस्ट नीरा राडिया यांना चौकशीसाठी समन्स पाठवले आहे. या प्रकरणी अटक केलेले 3 आरोपी यतीश वहाल, सतीशकुमार नरुला आणि राहुल सिंह यादव यांची चौकशी पोलिसांकडून सुरू असताना नीरा राडिया यांचे नाव Yes Bank Case मध्ये समोर आले.
राजीव कुमार नावाच्या व्यक्तीने केली होती तक्रार
राजीव कुमार नावाच्या व्यक्तीने नारायणी इन्व्हेस्टमेंट प्रायव्हेट लिमिटेड आणि त्याची सहकंपनी नयाती हेल्थ केअर अँड रिसर्च एनसीआर प्रायव्हेट लिमिटेड आणि कंपनीचे संचालक नीरा राडिया, त्यांची बहिण करुणा मेनन, यतीश वहाल, सतीशकुमार नरुला यांच्याविरोधात तक्रार दाखल केली होती, अशी माहिती गुन्हे शाखेचे अतिरिक्त पोलीस आयुक्त आर. के. सिंह यांनी दिली.
