सोशल मीडियावर ‘त्या’ मुलाचं सर्वत्र कौतुक सुरु आहे.
बॉलिवूडचा किंग खान शाहरुख खानचा मुलगा ड्रग्स प्रकरणात अडकल्यानंतर सगळ्याच स्टार किड्सना सोशल मीडियावर ट्रोल केले जात आहेत. तर दुसरीकडे बॉलिवूड अभिनेता आर माधवचा मुलगा वेदांत माधवनने वडिलांना गर्व वाटावा असे काम केले आहे.
बेंगळुरु येथे नुकत्याच झालेल्या ज्युनियर नॅशनल एक्वाटिक चॅम्पियनशिपमध्ये वेदांतने महाराष्ट्रासाठी सात पदके जिंकली आहेत. वेदांतच्या या यशावर त्याचे वडील खूश आहेत. सोशल मीडियावरही नेटकरी ट्वीट करत वेदांतचे अभिनंदन करत आहेत.
द ब्रिजने दिलेल्यानुसार, वेदांतने ८०० मीटर फ्रीस्टाइल स्विमिंग, १५०० मीटर फ्रीस्टाइल स्विमिंग, ४×१०० मीटर फ्रीस्टाइल स्विमिंग आणि ४×२०० मीटर फ्रीस्टाइल स्विमिंग रीलेमध्ये कांस्य पदक. १०० मीटर, २०० मीटर आणि ४०० मीटर फ्रीस्टाइल स्विमिंगमध्ये त्याला रौप्य पदक मिळालं आहे.
आर माधवने बॉलिवूडशिवाय तमिळ चित्रपटांमध्येही काम केलं आहे. त्याने बॉलिवूडमध्ये अनेक सुपरहिट चित्रपटही केले आहेत. ‘रामजी लंदन वाले’, ‘रहना है तेरे दिल में’, ‘रंग दे बसंती’, ‘तनु वेड्स मनु’, ‘3 ईडियट्स’, ‘साला खड़ूस’ यांसारख्या चित्रपटांमध्ये काम केलं आहे. माधवनच्या आगामी चित्रपटाचं नाव ‘द नंबी इफेक्ट’ आहे.
